COVID-19 پاندەميياسىنىڭ تارالۋىنان ەيەلدەر قاشىقتان جۇمىس ٸستەۋگە عانا ەمەس, ٷي شارۋاسىن اتقارىپ, بالالار مەن قارت اتا-اناسىنا كٷتٸم جاساۋعا مٸندەتتەلدٸ. وسىعان بايلانىستى بۇۇ ەر ادامدى ەيەلدەرگە كٶمەكتەسٸپ, ٷي شارۋاسىن بٶلٸسۋگە شاقىردى, دەپ حابارلايدى "ۇلت اقپارات".
«وقشاۋلانۋ كەزٸندە كٶپتەگەن ەيەلدەر قاشىقتان نەمەسە اۋرۋحانادا, دٷكەندە جۇمىس ٸستەپ, ٷي شارۋاسىن, كٸر جۋۋ, تاماق ەزٸرلەۋ, بالالار مەن قارت اتا-انا كٷتٸمٸن قاتار الىپ جٷرۋگە مەجبٷر. بۇل - ەيەلدەر مەن قىزداردىڭ يىعىنا ارتىلعان جۇمىستاردىڭ بٸر بٶلٸگٸ عانا. سوندىقتان, بۇۇ ەرلەردٸ بۇل تەڭسٸزدٸكتٸ توقتاتۋعا شاقىرادى», - دەلٸنگەن حابارلامادا.
وسىعان بايلانىستى حالىقارالىق ۇيىم «HeForShe At Home» - «ەرلەر ٷيدەگٸ ەيەلدەردٸڭ قۇقىعى ٷشٸن» ناۋقانىن باستاپ, بالالاردى, جاس جٸگتتەردٸ جەنە ەرلەردٸ ٷي شارۋاسىن بٸرلەسٸپ اتقارۋعا شاقىردى.
«پاندەمييا سالدارىنان ەلەم بويىنشا ميلليونداعان ادام ٷيدە وتىر. دەل وسى جاعدايدا گەندەرلٸك تەڭسٸزدٸك مەسەلەسٸ انىق كٶرٸندٸ. قازٸرگٸ ۋاقىتتا ەيەلدەر اقى تٶلەنبەيتٸن ٷي تٸرلٸگٸن ەرلەردەن ٷش ەسە كٶپ اتقارىپ جٷر. كوروناۆيرۋسپەن كٷرەستە دە الدىڭعى شەپتە ەيەلدەر تۇر. دەنساۋلىق ساقتاۋ مەن ەلەۋمەتتٸك قىزمەت جۇمىسكەرلەرٸنٸڭ 70 پايىزى - ەيەلدەر», - دەپ حابارلادى ۇيىم.
سونىمەن بٸرگە, بۇۇ ەرلەردٸڭ ٶز تەجٸريبەسٸن بٶلٸسٸپ, قانداي ٷي شارۋاسىن اتقاراتىنىن ايتىپ بەرۋٸن سۇرايدى.
«ەرلەر ەلەۋمەتتٸك جەلٸدە ٶز تەجٸريبەسٸن ايتىپ, ٶزگەلەردٸ شابىتتاندىرا الادى. ول ٷشٸن #HeForShe AtHome حەشتەگٸن پايدالانۋ قاجەت», - دەيدٸ بۇۇ.
