Densaýlyq saqtaý ministri Eljan Birtanov koronavirýs qaýpine bailanysty Qazaqstanda qabyldanyp jatqan karantindik sharalar týraly aityp berdi, dep habarlaidy "Ult aqparat".
«Jalpy bizde 992 adam karantinde jatyr. Onyń ishinde oqshaýlanǵandar da, úi jaǵdaiynda karantinde jatqandar da bar. 2 jáne 3 sanattar boiynsha, iaǵni turǵylyqty mekenjai turǵysynan 7515 adam baqylaýda. Jalpy 8 myńǵa tarta adam Densaýlyq saqtaý ministrliginiń baqylaýyna alynǵan», - dedi Eljan Birtanov OKQ-da ótken baspasóz máslihatynda.
Ministrdiń sózine qaraǵanda, karantinde jatqandardyń ishinde Qazaqstan azamattary da, sheteldikter de bar.
«Aýrý belgileri bar jaǵdaida olar aýrýhanaǵa jatqyzylady. Búginge deiin bizde 60 adam aýrýhanaǵa jatqan. 18-i keshe shyǵyp ketti. 42-i qaldy. Olar zertteýden, diagnostikadan ótýde. Osyǵan deiin aitqanymdai, Resei jáne QHR-dan ónerkásiptik óndiristen shyqqan diagnostikalyq testter ákelingen. DDSU-dan da qosymsha testter jetkizildi. Biz 1014 adamdy tekserdik. Testterdiń birde-birinde koronavirýs infektsiiasy anyqtalǵan joq», - dedi ministr.
