Tarazdaǵy meiramhanalardyń birinde 100 adamǵa arnalǵan toi toqtatyldy, dep habarlaidy "Ult aqparat".
Karantin rejimi men shekteý sharalary talaptarynyń saqtalýyn baqylaý aiasynda Jambyl oblysynyń politseileri mobildi toptarmen birlesip, kezekti uiymdastyrylǵan kólemdi is-shara deregin anyqtady. Tarazdaǵy mekemelerdiń birinde reid kezinde 100-den astam adamnyń qatysýymen ótip jatqan toi anyqtaldy.
Barlyq qonaqtarmen profilaktikalyq áńgime ótkizildi, al is-sharany uiymdastyrýshyǵa qatysty QR Qylmystyq kodeksiniń 425-baby boiynsha hattama jasaldy jáne jaýapqa tartý úshin Taýarlar men qyzmetterdiń sapasy men qaýipsizdigin baqylaý basqarmasyna jiberilgen.
«Aýrý-syrqaýdyń statistikasyna qaramastan, adamdar óz ómiri men densaýlyǵyna qaýip tóndirýde. Jyl basynan beri ártúrli nysandarda karantin rejiminiń 430 buzylý deregi anyqtaldy. Taýarlar men qyzmetterdiń sapasy men qaýipsizdigin baqylaý basqarmasymen QR Ákimshilik quqyq buzýshylyq týraly kodeksiniń 425-baby boiynsha jalpy 41 mln teńge kóleminde aiyppul salyndy jáne oiyn-saýyq mekemeleri men ózge de menshik nysandarynyń 346 iesi jaýapqa tartyldy», – dep habarlady politsiia departamenti.
