Jyl basynan beri mobildik toptar júrgizgen jumystyń qorytyndysy boiynsha Qazaqstanda karantin talaptaryn buzǵany úshin 9 myńǵa jýyq kásipkerlik nysanyna jáne 7 myńǵa jýyq jeke tulǵaǵa ákimshilik aiyppul salyndy.
Bul týraly QR Densaýlyq saqtaý ministrliginiń Sanitariialyq-epidemiologiialyq baqylaý komiteti habarlady.
Aǵymdaǵy jyldyń 1 qańtary men 24 mamyry aralyǵynda karantin talaptarynyń saqtalýyn baqylaityn toptar 89 829 reid júrgizdi. Atalǵan is-sharalarmen 559 001 nysan qamtyldy. Tekserý nátijesinde shekteý talaptaryn buzǵan 15 679 nysan anyqtaldy.
Karantin tártibin jii buzatyn kásipkerlerdiń bestiginde Shyǵys Qazaqstan (3871 nysan), Túrkistan (2442 nysan), Almaty (1003 nysan) oblystary men Almaty (2163 nysan) jáne Shymkent (1700 nysan) qalalarynyń biznes sýbektileri bar.
Sondai-aq, monitoring toptary 2 769 jospardan tys tekserý júrgizip, 2 546 uiǵarym berdi, sotqa 292 material berilip, 75 nysannyń qyzmeti ýaqytsha toqtatyldy.
«8 946 nysanǵa jáne 6 696 jeke tulǵaǵa jalpy somasy 1,2 mlrd teńgeden asatyn ákimshilik aiyppul salyndy»,-delingen habarlamada.
