QR Premer-Ministriniń orynbasary Eraly Toǵjanov karantint rejimin buzǵandarǵa aiyppul salynatynyn aitty, dep habarlaidy "Ult aqparat".
«Karantindik rejim men sanitarlyq-epidemiologiialyq talaptardy buzǵany úshin ákimshilik jaýapkershilikke jeke tulǵalar 30 AEK-ke (1 AEK - 2778 teńge / 30 AEK - 83 340 teńge), al kásipkerlik sýbektileri 230 AEK-ten (638 940 teńge) joǵary somaǵa tartylady. Tiisti normativtik-quqyqtyq akti osy aptada qabyldanady», - dedi E. Toǵjanov búgin Ortalyq kommýnikatsiialar qyzmetinde.
Eske sala keteiik, búgin Memlekettik komissiia epidemiologiialyq jaǵdaidy turaqtandyrý jónindegi sharalardy bekitken bolatyn. Oǵan sáikes, biylǵy 5 shildeden bastap elimizde 14 kúnge birqatar shekteý sharalaryn engizý sheshimi qabyldandy.
