Karantin talabyn buzǵan 123 zańdy tulǵa 62,6 mln teńge aiyppul tóledi. Bul aqparatty QR Densaýlyq saqtaý ministrliginiń resmi ókili Baǵdat Qojahmetov rastady, dep habarlaidy "Ult aqparat".
«Osy jylǵy shildeniń 5-inen bastap osy kúnge deiin karantin talaptaryn buzǵany úshin QR Ákimshilik quqyqbuzýshylyq týraly kodeksiniń 425-babymen 123 zańdy tulǵa ákimshilik jaýapqa tartyldy. 13 tamyzdaǵy derekterge sáikes, zańdy tulǵalar tólegen ákimshilik aiyppuldyń jalpy somasy 62,6 mln teńgeni qurady», - dedi ol Ortalyq kommýnikatsiialar qyzmetindegi brifing barysynda.
Buǵan deiin osy jyldyń 5 shildesinen beri jabyq ǵimaratta, qoǵamdyq oryndarda jáne kóshede maska taqpaǵany úshin 2 778 adamǵa aiyppul salynǵanyn habarlaǵan edik.
