Shymkent qalasynyń aýmaǵynda karantin shekteýin uzartý týraly qalanyń bas sanitariia dárigeriniń qaýlysy shyqty. Bul shara COVID-19 juqtyrǵandar sany jáne virýsty pnevmoniia aýrýynyń ósýine bailanysty qolǵa alynǵan, dep habarlaidy "Ult aqparat".
8 aqpanǵa deiin uzartylǵan qaýlyǵa sáikes, balabaqshadaǵy kezekshi toptardy qospaǵanda, balalardyń mektepke deiingi uiymdarynyń jáne saýyqtyrý lagerleriniń jumysy toqtatylatyny kórsetilgen.
Qaladaǵy qoǵamdyq kólikterdiń kúndelikti jáne demalys, mereke kúnderi jumys ýaqyty saǵat 07:00-den 21:00-ge deiin shekteledi.
Túrli uiymdar men kásiporyndardyń basshylaryna, jeke kásipkerlerge jáne jeke tulǵalarǵa karantin aiaqtalǵanǵa deiin qyzmetkerleri men kelýshilerdiń sanitariialyq-karantindik jáne shekteý sharalaryn saqtaýyn qadaǵalaý kúsheitilgen.
Jańa qaýlynyń talaptaryn nysandardyń menshik ielerine qaramastan, barlyq jeke jáne zańdy tulǵalardyń oryndaýy mindettelgen.
