Oqýshylardyń arasynda syrqattanýshylyqtyń kúrt ósýine jol bermeý úshin sanitariialyq-epidemiologiialyq talaptardyń saqtalýyn qamtamasyz etý qajet. Bul týraly búgin Úkimet otyrysynda QR Densaýlyq saqtaý ministri Ajar Ǵiniiat aitty, dep habarlaidy QazAqparat.
«Halyqaralyq tájiribeni eskere otyryp jáne eldegi kúrdeli epidemiologiialyq jaǵdaiǵa bailanysty Bilim jáne ǵylym ministrligi men Birikken ulttar uiymy Balalar qorynyń usynymdary boiynsha bilim berý uiymdarynda oqytý formaty qaita qaraldy. Máselen, barlyq mektepke deiingi uiymdar, bastaýysh synyp jáne qýaty 600 oqýshyǵa deiingi mektep shtattyq formatta jumys jasaidy», - dedi Ajar Ǵiniiat.
Ministrdiń atap ótýinshe, 600-den astam oqýshysy bar bilim berý uiymdarynda toltyrý 50 paiyzdan aspaý kerek. Bastaýysh mektep oqýshylary shtattyq rejimde bilim alady. Bul rette oqytý formatyn tańdaý kezinde mindetti túrde vaktsinalaýmen qamtý deńgeii eskeriledi. Al joǵary oqý oryndary men kolledjderde de saralanǵan tásil engizilgen: lektsiialar – onlain, qalǵan sabaqtar ikemdi keste boiynsha shtattyq rejimde ótedi.
«Bul rette, balalardyń arasynda da JRVI men KVI-den syrqattanýshylyqtyń 1,3 ese kóbeiip otyrǵanyn eskerip, sanitariialyq-epidemiologiialyq qadaǵalaý organdary karantindik sharalardyń oryndalýyna monitoringini jalǵastyratynyn jáne buzýshylyqtar anyqtalǵan jaǵdaida, oqytý onlain formatqa aýystyrylatynyn atap ótken jón. Osyǵan bailanysty, oblystardyń, Almaty, Nur-Sultan jáne Shymkent qalalarynyń ákimdikteri oqýshylardyń arasynda syrqattanýshylyqtyń kúrt ósýine jol bermeý úshin bilim berý uiymdarynda sanitariialyq-epidemiologiialyq talaptardyń saqtalýyn qamtamasyz etýi qajet», - dedi ol.
