Karantin rejimin buzý faktileri azaidy. Bul týraly QR Ádilet ministri Marat Beketaev málim etti, dep habarlaidy "Ult aqparat".
«28 naýryzda karantin sharalaryn buzǵany úshin 476-bap boiynsha el aýmaǵynda sottar 124 adamdy jaýapkershilikke tartty. Al 29 naýryzda 33 adamǵa qatysty tiisti sheshim shyǵaryldy. Bul turǵyda qabyldanǵan sharalardyń nátijesin baiqaýǵa bolady», - dedi M. Beketaev Habar 24 telearnasynda ótken onlain brifingide.
Onyń sózine qaraǵanda, el turǵyndary arasynda karantin rejimin buzý faktileri tómendedi.
«Adamdar tarapynan tártipti buzý azaiyp keledi. Osy oraida óziniń ári janyndaǵy adamdardyń qaýipsizdigine jaýapkershilikpen qarap otyrǵan bizdiń azamattarǵa rizashylyǵymyzdy bildiremiz», - dedi Marat Beketaev.
