Jyl basynan koronavirýsqa bailanysty shekteý talaptaryn buzǵan 73 mekemeniń qyzmeti ýaqytsha toqtatyldy. Bul týraly QR Densaýlyq saqtaý ministrligi Sanitariialyq-epidemiologiialyq baqylaý komitetinen málim etti, dep habarlaidy "Ult aqparat".
Vedomstvo aqparatyna súiensek, shekteý rejimin buzý oqiǵalarynyń basym bóligin karantin kezinde qyzmetine tyiym salynǵan nysandardyń jumys isteýi, shekteý rejimin saqtamaý, buqaralyq is-sharalardy ótkizý quraidy.
Osy jyldyń 1 qańtary men 17 mamyry aralyǵynda monitoring toptary 85 118 reid júrgizip, 530 887 nysandy teksergen. Nátijesinde 15 170 nysannyń (2,8%) karantin talaptaryn buzǵany tirkeldi.
Karantin rejimin buzý oqiǵalary negizinen anyqtaldy:
- Shyǵys Qazaqstan oblysynda (3746);
- Túrkistan oblysynda (2344);
- Almaty (984) oblysynda;
- Almaty qalasynda (2115);
- Shymkent qalasynda (1666).
«Jumys barysynda 2662 kezekten tys tekseris júrgizilip, kásipkerlerge 2438 uiyǵarym tapsyryldy. Sotqa 281 material jiberilse, 73 nysannyń qyzmeti ýaqytsha toqtatyldy.
8613 nysanǵa jáne 6 576 jeke tulǵaǵa jalpy somasy 1, 210 milliardtan astam teńgeni quraityn ákimshilik aiyppul salyndy. Jeke tulǵalar kóbine qoǵamdyq oryndarda (jabyq ǵimarattarda, kólikte) betperde kimegeni úshin jaýapkershilikke tartylǵan», - delingen komitet aqparatynda.
