Vedomstvoaralyq komissiia koronavirýs pandemiiasyna qatysty álem elderi engizip jatqan karantin shekteýleri týraly sońǵy aqparatty jariialady, dep habarlaidy "Ult aqparat".
Ótken senbiden bastap Polshada qosymsha shekteýler engizildi, olar kem degende eki aptaǵa sozylady. Elde úlken kólemdegi turmystyq dúkender jabylýda, qalǵan saýda ortalyqtarynda satyp alýshylar sanyna qatań shekteýler engizilýde. Shashtarazdar men sulýlyq salondary jabylady, al balabaqshalardy tek dárigerlerdiń, áskeri qyzmetshilerdiń, politsiia men órt sóndirýshilerdiń otbasylary ǵana paidalana alady.
Belgiiada senbiden bastap turmystyq zattar dúkenderine tek aldyn-ala jazylý arqyly kirýge bolady. Sulýlyq salondary men shashtarazdar tolyǵymen jabylǵan. Al dúisenbiden bastap balabaqshalardan basqa barlyq oqý oryndary qashyqtan jumys isteý rejimge kóshedi. Ótken aptada Belgiiada indettiń juǵý qarqyny 40% ósken.
Portýgaliiada oqytýshylar, muǵalimder men balabaqsha tárbieshilerin AstraZeneca vaktsinasymen egý bastaldy. Atalǵan preparatty qoldaný ótken dúisenbiden bastap qaita bastaldy. El biligi jańa egý ortalyqtarynyń ashylýymen vaktsinatsiiany jedeldetý arqyly shekteý sharalaryn birtindep jeńildetýge úmittenip otyr, biraq ázirge tótenshe jaǵdai rejimi taǵy bir ret uzartyldy.
