Nur-Sultan qalasy Investistitsiialar jáne kásipkerlikti damytý basqarmasynyń basshysy Erlan Bekmyrzaev karantin rejimin buzǵan kásipkerler týraly aityp berdi, dep habarlaidy QazAqparat.
«19 naýryzdan bastap qalamyzda karantin engizildi jáne qalada jedel shtab óz jumysyn jalǵastyrady. Shtab boiynsha negizgi qujat qabyldandy. Bul sheshimmen azyq-túlik pen qajetti taýarlardy satatyn nysandardan basqa biznes sýbektileriniń jumysy toqtatyldy. Biznes-ortalyqtar men tehnikalyq qyzmet kórsetý stantsiialary úshin tańǵy saǵat 10.00-den 17.00-ge deiingi jumys kestesi bekitildi», - dedi spiker qala ákimdiginde ótken onlain-brifingte.
Sonymen birge, basqarma basshysy jumysy toqtatylmaǵan shaǵyn jáne orta biznestiń sanitarlyq sharalardy kúsheitýi qajettigin eske saldy.
Qoǵamdyq tamaqtaný nysandary jabyldy. Biraq, olar onlain tapsyrys pen jetkizý qyzmeti arqyly jumys istei alady. Elordada 344 meiramhana bar. Almaty aýdanynda – 52, Esil aýdanynda – 192, Baiqońyrda – 40 jáne Saryarqa aýdanynda – 60.
«Karantin rejimin buzý faktileriniń aldyn alý úshin politseiler, ákimdik jáne eriktiler kúndelikti reid júrgizedi. Jumysyn toqtatpai, kelýshilerdi qabyldaǵan meiramhanalar anyqtaldy. Olarǵa qatysty quziretti organdar qajetti shara qabyldaýda. Biz úshin azamattardyń densaýlyǵy men qaýipsizdigi mańyzdy. Eger osyndai quqyqbuzýshylyqqa kýá bolsańyz, habarlasýyńyzdy suraimyz. Ákimdikte táýlik boiy jedel shtab jumys isteidi. 109 nemese 1432 nómirine habarlasa alasyzdar», - dedi Erlan Bekmyrzaev.
