نۇر-سۇلتان قالاسى ينۆەستيستيتسييالار جەنە كەسٸپكەرلٸكتٸ دامىتۋ باسقارماسىنىڭ باسشىسى ەرلان بەكمىرزاەۆ كارانتين رەجيمٸن بۇزعان كەسٸپكەرلەر تۋرالى ايتىپ بەردٸ, دەپ حابارلايدى قازاقپارات.
«19 ناۋرىزدان باستاپ قالامىزدا كارانتين ەنگٸزٸلدٸ جەنە قالادا جەدەل شتاب ٶز جۇمىسىن جالعاستىرادى. شتاب بويىنشا نەگٸزگٸ قۇجات قابىلداندى. بۇل شەشٸممەن ازىق-تٷلٸك پەن قاجەتتٸ تاۋارلاردى ساتاتىن نىسانداردان باسقا بيزنەس سۋبەكتٸلەرٸنٸڭ جۇمىسى توقتاتىلدى. بيزنەس-ورتالىقتار مەن تەحنيكالىق قىزمەت كٶرسەتۋ ستانتسييالارى ٷشٸن تاڭعى ساعات 10.00-دەن 17.00-گە دەيٸنگٸ جۇمىس كەستەسٸ بەكٸتٸلدٸ», - دەدٸ سپيكەر قالا ەكٸمدٸگٸندە ٶتكەن ونلاين-بريفينگتە.
سونىمەن بٸرگە, باسقارما باسشىسى جۇمىسى توقتاتىلماعان شاعىن جەنە ورتا بيزنەستٸڭ سانيتارلىق شارالاردى كٷشەيتۋٸ قاجەتتٸگٸن ەسكە سالدى.
قوعامدىق تاماقتانۋ نىساندارى جابىلدى. بٸراق, ولار ونلاين تاپسىرىس پەن جەتكٸزۋ قىزمەتٸ ارقىلى جۇمىس ٸستەي الادى. ەلوردادا 344 مەيرامحانا بار. الماتى اۋدانىندا – 52, ەسٸل اۋدانىندا – 192, بايقوڭىردا – 40 جەنە سارىارقا اۋدانىندا – 60.
«كارانتين رەجيمٸن بۇزۋ فاكتٸلەرٸنٸڭ الدىن الۋ ٷشٸن پوليتسەيلەر, ەكٸمدٸك جەنە ەرٸكتٸلەر كٷندەلٸكتٸ رەيد جٷرگٸزەدٸ. جۇمىسىن توقتاتپاي, كەلۋشٸلەردٸ قابىلداعان مەيرامحانالار انىقتالدى. ولارعا قاتىستى قۇزٸرەتتٸ ورگاندار قاجەتتٸ شارا قابىلداۋدا. بٸز ٷشٸن ازاماتتاردىڭ دەنساۋلىعى مەن قاۋٸپسٸزدٸگٸ ماڭىزدى. ەگەر وسىنداي قۇقىقبۇزۋشىلىققا كۋە بولساڭىز, حابارلاسۋىڭىزدى سۇرايمىز. ەكٸمدٸكتە تەۋلٸك بويى جەدەل شتاب جۇمىس ٸستەيدٸ. 109 نەمەسە 1432 نٶمٸرٸنە حابارلاسا الاسىزدار», - دەدٸ ەرلان بەكمىرزاەۆ.
