Densaýlyq saqtaý ministri Eljan Birtanov Qazaqstan qalalarynda karantin mamyr aiynda da sozylýy múmkin ekenin málim etti, dep habarlaidy "Ult aqparat".
«Álbette, bári de aýrýdyń taralý ahýalyna bailanysty. Virýstyń taralýyn toqtatýdyń bir ǵana amaly - burynǵysha bailanysty azaitý. Adamdar qaýipsizdikti saqtap úirenbei, búkil el úkimetterine qatań sharany jalǵastyrýǵa týra keledi. Sol sebepti bul jaǵdai ýaqytty talap etetindikten, karantin mamyr aiynda da sozylýy múmkin», - dedi Eljan Birtanov Tengriniýs Instagram paraqshasynyń tikelei efirinde.
Ministrdiń esepteýinshe, qaýipsizdikti saqtamasa mamyr aiyndaǵy ahýal tipti qiyndap ketýi ábden yqtimal.
«Bizdiń oiymyzsha, mamyr áli de qaýipti kezeń sanalady», - dedi ol.
Eljan Birtanov eldegi koronavirýs qaýpi seiilmei birqatar shekteýler kúshinde qala beretinin jetkizdi.
