دەنساۋلىق ساقتاۋ مينيسترٸ ەلجان بٸرتانوۆ قازاقستان قالالارىندا كارانتين مامىر ايىندا دا سوزىلۋى مٷمكٸن ەكەنٸن مەلٸم ەتتٸ, دەپ حابارلايدى "ۇلت اقپارات".
«ەلبەتتە, بەرٸ دە اۋرۋدىڭ تارالۋ احۋالىنا بايلانىستى. ۆيرۋستىڭ تارالۋىن توقتاتۋدىڭ بٸر عانا امالى - بۇرىنعىشا بايلانىستى ازايتۋ. ادامدار قاۋٸپسٸزدٸكتٸ ساقتاپ ٷيرەنبەي, بٷكٸل ەل ٷكٸمەتتەرٸنە قاتاڭ شارانى جالعاستىرۋعا تۋرا كەلەدٸ. سول سەبەپتٸ بۇل جاعداي ۋاقىتتى تالاپ ەتەتٸندٸكتەن, كارانتين مامىر ايىندا دا سوزىلۋى مٷمكٸن», - دەدٸ ەلجان بٸرتانوۆ تەنگرينيۋس Instagram پاراقشاسىنىڭ تٸكەلەي ەفيرٸندە.
مينيستردٸڭ ەسەپتەۋٸنشە, قاۋٸپسٸزدٸكتٸ ساقتاماسا مامىر ايىنداعى احۋال تٸپتٸ قيىنداپ كەتۋٸ ەبدەن ىقتيمال.
«بٸزدٸڭ ويىمىزشا, مامىر ەلٸ دە قاۋٸپتٸ كەزەڭ سانالادى», - دەدٸ ول.
ەلجان بٸرتانوۆ ەلدەگٸ كوروناۆيرۋس قاۋپٸ سەيٸلمەي بٸرقاتار شەكتەۋلەر كٷشٸندە قالا بەرەتٸنٸن جەتكٸزدٸ.
