Qyzylorda qalasynda 29 sáýirden bastap qoǵamdyq kólikter shekteýli ýaqytpen qaita qatynai bastaidy, - dep habarlaidy "Ult aqparat".
Qyzylorda oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentinen málim etkendei, bul – Qyzylorda oblysynyń Bas memlekettik sanitariialyq dárigeriniń qaýlysy negizinde qabyldanyp otyr.
Atap aitqanda, oblys ortalyǵynda qoǵamdyq kólikter saǵat 06.00-den 09.00-ge deiin, 18.00-den 20.00-ge deiin kúsheitilgen sanitarlyq-dezinfektsiialyq rejimmen qatynaityn bolady.
Sondai-aq Qyzylordada balalarǵa eresekterdiń ilesip júrýimen aýladaǵy oiyn alańdaryna saǵat 06.00-den 18.00-ge deiin shyǵýǵa ruqsat etildi. Degenmen, 1,5 metrden kem emes ara-qashyqtyqty saqtaý, meditsinalyq betperdeniń bolýy mindetti.
Shtattyq rejimde jumys jasaityn dárihanalardy qospaǵanda, azyq-túlik gipermarketteri, optomarketter, sýpermarketter, minimarketter, dúkender, birinshi kezekte qajetti taýarlardy (sharýashylyq jáne gigienalyq taýarlar) satatyn nysandar kúsheitilgen sanitarlyq-dezinfektsiialyq rejimmen saǵat 10.00-den 20.00-ge deiin jumys isteitin bolady.
65 jastan asqan adamdardy qospaǵanda, jeke basyn kýálandyratyn jáne saiajai ýchaskesine menshik quqyǵyn rastaityn qujattardy kórsete otyryp, demalys jáne mereke kúnderi saǵat 06.00-den 18.00-ge deiin saiajailarǵa baryp-kelýge ruqsat.
Qala jáne aýdan ákimdigi belgilegen oryndarda jeke jáne zańdy tulǵalarǵa betperdelik rejimdi jáne áleýmettik qashyqtyqty saqtai otyryp (1,5 metrden kem emes) kúsheitilgen sanitarlyq-dezinfektsiialyq rejimmen tuqymdardy jáne kóshetterdi satýmen ainalysýǵa bolady.
Meiramhanalardyń, dámhanalardyń, ashanalardyń jáne basqa da qoǵamdyq tamaqtaný obektileriniń jumysyn «klientterge deiin jetkizý» qaǵidaty boiynsha saǵat 10.00 den 22.00 deiin kúsheitilgen sanitarlyq-dezinfektsiialyq rejimmen 2020 jylǵy 11 mamyr, saǵat 00.00-ge deiin ruqsat etiledi.
Esterińizge sala ketelik, qazir Qyzylorda oblysynda koronavirýs diagnozymen 186 adam tirkelgen. Onyń ishinde 111 adam syrqatynan aiyqty.
