Qyzylordada karantin kezinde aýyzashar bergen turǵynǵa aiyppul salyndy, - dep habarlaidy Qyzylorda oblystyq politsiia departamentiniń baspasóz qyzmeti.
26 sáýirde qyzylordalyq úiinde aýyzashar bergen. Oǵan qalanyń ár túkpirinde turatyn tanystaryn shaqyrǵan. Artynan olar monshaǵa túsken.
«QR Ákimshilik quqyq buzýshylyqtar týraly kodeksiniń 476-babyna sáikes (tótenshe jaǵdai rejimin buzý) bes azamatqa qatysty ákimshilik hattama toltyryldy. Jinaqtalǵan qujattar sotqa joldandy. Sot sheshimimen tártip buzýshylarǵa aiyppul salyndy», - dep málim etti Qyzylorda oblystyq politsiia departamentiniń baspasóz qyzmeti.
Qazirgi tańda Qyzylorda oblysynda koronavirýs infektsiiasy diagnozy qoiylǵan 201 adam tirkeldi. Onyń ishinde 118 adam emdelip shyqty.
