Saryaǵash aýdanynyń politseileri reid barysynda Jetisai-Shymkent tasjoly boiynda túngi ýaqytta býkmekerlik keńseniń jumys istep turǵanyn anyqtady. Tekserý barysynda oiynhana ishinde 4-5 adam bolǵan, dep habarlaidy oblystyq PD baspasóz qyzmeti.
Atalǵan jait QR QK-niń 307-baby «Zańsyz oiyn biznesin uiymdastyrý» boiynsha tirkeldi.
Sondai-aq, zańǵa qaishy keletin zattar bolýy múmkin ekeni eskerilip, oiynhanadan 6 dana protsessor, 2 dana oiyn apparaty men chek-fiksatory aiǵaq zat retinde tárkilep alyndy. Saraptama taǵaiyndaldy. Qazirgi tańda osy is boiynsha sotqa deiingi tergeý amaldary júrgizilýde. Politseiler oiynhanaǵa qatysty mán-jaidy tolyq tekserýde.
Sonymen qatar, saryaǵashtyq politseiler oiynhana iesine QR ÁQBtK-niń 425-babymen «Halyqtyń sanitarlyq-epidemiologiialyq salaýattylyǵy salasyndaǵy zańnama talaptarynyń, sondai-aq gigienalyq normativterdiń buzylýy» boiynsha hattama toltyrdy.
Óz kezeginde Túrkistan oblysy politseileri turǵyndarǵa jáne kásipkerlerge karantin talaptaryn iaǵni betperdelik rejim men araqashyqtyqty saqtaýdy, ásirese zańsyz oiynhanalar ashyp, jastardyń sanasyn ýlaýǵa jol bermeýdi eskertedi.
