Ádilet ministri Marat Beketaev karantin tártibin saqtamai, toi jasaǵandar qalai jazalanatynyn aitty, dep habarlaidy QazAqparat.
«Mundai jaǵdaida tiisti Zań babyna sáikes, alǵashqy jaǵdaida aiyptalýshyǵa 83 myń teńge kóleminde aiyppul salynady. Eger mundai sharalardyń barysynda azamattar jappai virýs juqtyrsa, aiyppuldyń da kólemi aitarlyqtai kóp bolady. Al oqiǵanyń saldary jaǵymsyz jaǵdaiǵa aparsa, qylmystyq is te qozǵalýy yqtimal», - dedi Marat Beketaevqa OKQ-da ótken baspasóz máslihatynda.
Eske sala ketsek buǵan deiin Marat Beketaev kóktemgi karantinde qazirgi, iaǵni jazǵy karantindegidei aiyppul nelikten salynbaǵanyn túsindirgen bolatyn.
«Tártip qataia tústi. Qazirgi ýaqytta bul erejeler qoǵamdyq oryndaǵy, jabyq nysandardaǵy jáne kóliktegi azamattardyń áreketine bailanysty. «Olar ózin qalai ustaýy kerek? Erejeni buzsa, qalai jazalanady? Zańbuzýshyǵa qandai ákimshilik jaza taǵaiyndaý kerek?» degen suraqtar tóńireginde pikirtalas kóp boldy. Kóktemde QR ÁQBjK 476-baby qoldanylsa, qazir 425-bap boiynsha azamattar jazalanyp jatyr», - dedi ol.
