QR Densaýlyq saqtaý ministrliginiń resmi ókili Baǵdat Qojahmetov karantin kezindegi toi úshin óner juldyzdarynyń týystaryn jazalaýǵa qatysty túsinik berdi, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihatynda karantin kezindegi toi úshin Roza Rymbaevanyń uly men Tóreǵali Tóreáliniń týysyn jaýapqa tartýǵa qatysty suraq qoiyldy.
«Bul másele Densaýlyq saqtaý ministriniń jeke baqylaýynda. Tańerteń osy taqyrypty talqalaǵan bolatynbyz. Ministr meniń kózimshe Almatynyń bas sanitar dárigeri Jandarbek Bekshiyge telefon shaldy», - dedi B. Qojahmetov.
Sonymen qatar ol qazirgi kezde Almaty qalasy Politsiia departamenti qyzmetkerlerimen birlese tekserý sharalary júrip jatqanyn atap ótti.
«Politsiia atalǵan sharaǵa qatysqandardy, ótkizý ornyn anyqtaý úshin tiisti tekserý júrgizýde. Osy oraida zańnamaǵa sáikes jaýapkershilikke tartý úshin bul sharanyń shynymen de karantin kezinde ótkizilýi, sondai-aq qandai sanitarlyq normalar buzylǵandyǵy anyqtalýda», - dedi B. Qojahmetov.
