قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ كارانتين كەزٸندەگٸ توي ٷشٸن ٶنەر جۇلدىزدارىنىڭ تۋىستارىن جازالاۋعا قاتىستى تٷسٸنٸك بەردٸ, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا كارانتين كەزٸندەگٸ توي ٷشٸن روزا رىمباەۆانىڭ ۇلى مەن تٶرەعالي تٶرەەلٸنٸڭ تۋىسىن جاۋاپقا تارتۋعا قاتىستى سۇراق قويىلدى.
«بۇل مەسەلە دەنساۋلىق ساقتاۋ مينيسترٸنٸڭ جەكە باقىلاۋىندا. تاڭەرتەڭ وسى تاقىرىپتى تالقالاعان بولاتىنبىز. مينيستر مەنٸڭ كٶزٸمشە الماتىنىڭ باس سانيتار دەرٸگەرٸ جانداربەك بەكشيyگە تەلەفون شالدى», - دەدٸ ب. قوجاحمەتوۆ.
سونىمەن قاتار ول قازٸرگٸ كەزدە الماتى قالاسى پوليتسييا دەپارتامەنتٸ قىزمەتكەرلەرٸمەن بٸرلەسە تەكسەرۋ شارالارى جٷرٸپ جاتقانىن اتاپ ٶتتٸ.
«پوليتسييا اتالعان شاراعا قاتىسقانداردى, ٶتكٸزۋ ورنىن انىقتاۋ ٷشٸن تيٸستٸ تەكسەرۋ جٷرگٸزۋدە. وسى ورايدا زاڭناماعا سەيكەس جاۋاپكەرشٸلٸككە تارتۋ ٷشٸن بۇل شارانىڭ شىنىمەن دە كارانتين كەزٸندە ٶتكٸزٸلۋٸ, سونداي-اق قانداي سانيتارلىق نورمالار بۇزىلعاندىعى انىقتالۋدا», - دەدٸ ب. قوجاحمەتوۆ.
