Qazaqstanda tótenshe jaǵdai rejimi kezinde jumyssyz retinde tirkelgen adamdar sany 170 myńǵa jetti. Bul týraly QR Eńbek jáne halyqty áleýmettik qorǵaý vitse-ministri Aqmádi Sarbasov aitty, dep habarlaidy "Ult aqparat".
«Shekteý sharalary qoldanysta bolǵan kezeń ishinde tirkelgen jumysssyzdar sany 120 myńnan 170 myńǵa deiin jetti», - dedi Aqmádi Sarbasov Ortalyq kommýnikatsiialar qyzmetindegi brifing barysynda.
Sonymen qatar ol Memlekettik áleýmettik satqandyrý qorynan jumysynan aiyrylǵandarǵa tólenetin áleýmettik tólem sany da arta túskendigin aitty.
«Iaǵni, eger azamat jumyssyz qalsa, onda ol 6 ai boiy kirisiniń 40 paiyzyn alyp otyrýǵa quqyly. Búgingi kúni mundai adamdardyń sany 34 myńnan asyp jyǵyldy. Bul Memlekettik áleýmettik saqtandyrý qory filialdaryna osy ýaqytqa deiin júginip úlgergender», - dedi vitse-ministr.
