QR Tuńǵysh Prezidentiniń burynǵy keńesshisi, saiasatker ári diplomat Ermuhambet Ertisbaev elimizde engizilgen tótenshe jaǵdai rejimine qatysty pikirin bildirdi, dep habarlaidy QazAqparat.
«Qazaqstan halqy kóp jaǵdaida tártipke baǵynyp, zańǵa moiynsunatyndyǵyn, tótenshe jaǵdaidyń barlyq erejeleri men usynystaryna baǵynatyndyǵyn kórsetip berdi. Árine, kóktem keldi, úide otyrý qiyn. Rejim de buzylyp jatady. Biraq, mundai jait agressivti formada ótpese, onda politsiia qyzmetkerleri de túsinistik tanytady. Kúnine bir ret birdeńe satyp alý nemese jai taza aýamen demalý úshin dalaǵa shyqqan kezde kórgenimdi aityp otyrmyn. Patrýlder barynsha izetti, degenmen naqty áreket etip jatyr», - dedi ol.
Osy rette saiasatker naqty mysal da keltirip ótti. «Úiime taqaý jerde fýtbol alańy bar. Sol jerge 15 shaqty bala jinaldy. Taza aýamen demalamyz degeni shyǵar. Patrýldik mashina kelip, olarǵa 5 minýttyń ishinde tarqamasa 26 myń teńgeden tóleýge májbúr bolatyndyqtary eskertildi. Balalar birden tarap ketti. Kózimmen kórgenimdi aityp otyrmyn. Taǵy da qaitalap aitamyn, Qazaqstanda tótenshe jaǵdai rejimi durys ótip jatyr», - dedi Ermuhambet Ertisbaev.
Aita keteiik, elimizge tanymal saiasatker suhbatynyń tolyq nusqasy.
