Elde epidjaǵdaidyń nasharlaýyna bailanysty kolledj jáne JOO stýdentteriniń oqý formaty ózgerdi, dep habarlaidy QazAqparat.
«Búginde elimizde 120 joǵary oqý orny bar. Bilim alýshylardyń jalpy kontingenti 620 myńnan astam adamdy quraidy. Joǵary oqý oryndarynda kóktemgi semestr 24 qańtarda bastalady. Bul rette joǵary oqý oryndary kaskadtyq ádisti qoldana alady. Iaǵni stýdentterdiń shoǵyrlanýyn barynsha azaitý úshin bilim berý protsesin oqý kýrsy men baǵyttaryna bailanysty 24 qańtar men 6 aqpan aralyǵynda kezeń-kezeńimen uiymdastyrýǵa bolady. Mysaly, 1 kýrs stýdentteri úshin oqý 24 qańtarda bastalsa, 2 kýrs stýdentteri 31 qańtardan, 3-4 kýrs stýdentteri úshin 7 aqpannan bastap degen sekildi», - dedi QR Bilim jáne ǵylym ministrligi joǵary jáne joǵary oqý ornynan keiingi bilim departamenti direktory Ádilet Toibaev OKQ-de onlain ótken baspasóz máslihatynda.
Ministrlik ókiliniń málimdeýinshe, stýdentter úshin kóktemgi semestr aralas formatta bolady. Iaǵni, dástúrli jáne qashyqtan.
«Joǵary oqý ornynyń sheshimi boiynsha oqý protsesi tolyǵymen dástúrli formatta nemese aralas formatta uiymdastyrylýy múmkin. Aitar bolsaq, dárister onlain, al praktikalyq jáne seminar, zerthanalyq sabaqtardy oflain rejimde ótkizýge bolady. Stýdentterdiń praktikasyn da dástúrli formatta uiymdastyrýǵa bolady», - deidi ol.
