QR Densaýlyq saqtaý ministri Eljan Birtanov karantin der kezinde engizilmese, elimizde qandai jaǵdai bolýy múmkin ekenin aitty, dep habarlaidy "Ult aqparat".
«12 naýryzda indet juqtyrýdyń alǵyshqy oqiǵalary anyqtalǵan kezde, biz shuǵyl karantindik sharalardy qabyldadyq. Eger de 16 naýryzda karantin jariialamasaq, onda 8 táýlikten keiin 4,5 myń naýqas tirkeler edi. Bul kórsetkishke tek eki aidan keiin ǵana jetti. Memleket basshysy jariialaǵan karantin men tótenshe jaǵdai óte mańyzdy ról atqardy, biz indettiń taralýyna tosqaýyl qoia aldyq jáne meditsinalyq uiymdarǵa júktemeni azaittyq», - dedi E. Birtanov «Habar24» arnasyna bergen suhbatynda.
Onyń sózine qaraǵanda, indet juqtyrǵan adamdardyń sany qazaqstandyqtar arasynda úrei týdyrmaýy kerek.
«Bizde indet juqtyrý ósiminiń qarqyny alǵashqy kúnderi táýligine 50-60 paiyzǵa deiin kóterilgen edi. Qazir bul kórsetkish 3-5 paiyz deńgeiinde. Bizde bul jaǵdai qadaǵalaýda tur. Árine, adamdar jariialanǵan kórsetkishterge úreimen qarap otyr. Búginde tek úsh myń adam meditsinalyq uiymdarǵa jatqyzylǵan. Iaǵni 1,5 myń adam emdelip, úilerine oraldy», - dedi ministr.
