قر دەنساۋلىق ساقتاۋ مينيسترٸ ەلجان بٸرتانوۆ كارانتين دەر كەزٸندە ەنگٸزٸلمەسە, ەلٸمٸزدە قانداي جاعداي بولۋى مٷمكٸن ەكەنٸن ايتتى, دەپ حابارلايدى "ۇلت اقپارات".
«12 ناۋرىزدا ٸندەت جۇقتىرۋدىڭ العىشقى وقيعالارى انىقتالعان كەزدە, بٸز شۇعىل كارانتيندٸك شارالاردى قابىلدادىق. ەگەر دە 16 ناۋرىزدا كارانتين جارييالاماساق, وندا 8 تەۋلٸكتەن كەيٸن 4,5 مىڭ ناۋقاس تٸركەلەر ەدٸ. بۇل كٶرسەتكٸشكە تەك ەكٸ ايدان كەيٸن عانا جەتتٸ. مەملەكەت باسشىسى جارييالاعان كارانتين مەن تٶتەنشە جاعداي ٶتە ماڭىزدى رٶل اتقاردى, بٸز ٸندەتتٸڭ تارالۋىنا توسقاۋىل قويا الدىق جەنە مەديتسينالىق ۇيىمدارعا جٷكتەمەنٸ ازايتتىق», - دەدٸ ە. بٸرتانوۆ «حابار24» ارناسىنا بەرگەن سۇحباتىندا.
ونىڭ سٶزٸنە قاراعاندا, ٸندەت جۇقتىرعان ادامداردىڭ سانى قازاقستاندىقتار اراسىندا ٷرەي تۋدىرماۋى كەرەك.
«بٸزدە ٸندەت جۇقتىرۋ ٶسٸمٸنٸڭ قارقىنى العاشقى كٷندەرٸ تەۋلٸگٸنە 50-60 پايىزعا دەيٸن كٶتەرٸلگەن ەدٸ. قازٸر بۇل كٶرسەتكٸش 3-5 پايىز دەڭگەيٸندە. بٸزدە بۇل جاعداي قاداعالاۋدا تۇر. ەرينە, ادامدار جارييالانعان كٶرسەتكٸشتەرگە ٷرەيمەن قاراپ وتىر. بٷگٸندە تەك ٷش مىڭ ادام مەديتسينالىق ۇيىمدارعا جاتقىزىلعان. ياعني 1,5 مىڭ ادام ەمدەلٸپ, ٷيلەرٸنە ورالدى», - دەدٸ مينيستر.
