Buǵan deiin birneshe márte karantin rejimin buzǵan elordadaǵy «Alaniia» túngi klýby taǵy da quqyq qorǵaý organdarynyń nazaryna ilikti, dep habarlaidy "Ult aqparat".
«Búgin túngi saǵat 02.50-de mobildi top «Alaniia« túngi klýbyn karantin rejimin taǵy buzǵanyn anyqtady. Bul joly kóńil kóterý ornynda 70 adam bolǵan. Osy ýaqytqa deiin, qyrkúiektiń sońynda 25 jastaǵy klýb ákimshisine birneshe ret eskertý jasalyp, tipti QR Ákimshilik quqyq buzýshylyq týraly kodekstiń 667-baby 1-tarmaǵymen ákimshilik jaýapkershilikke tartylǵan bolatyn. Alaida, kóńil kóterý orny jumysyn jalǵastyra bergen. Osy fakti boiynsha túngi klýb ákimshisine qatysty ákimshilik is qozǵalyp, ol Nur-Sultan qalalyq mamandandyrylǵan aýdanaralyq sotynda qaraldy. Sot kýlb ákimshisin kináli dep taýyp, 1 táýlikke qamaýǵa alyndy. Alaida, osyǵan qaramastan mobildi top 13 qarashada túngi klýbtyń qaitadan karantin rejimin buzǵanyn anyqtady. Sot klýb ákimshisin 2 táýlikke tutqynǵa alý týraly sheshim shyǵardy», - dep atap ótedi Nur-Sultan qalalyq politsiia departamentinen.
Vedomstvo málimetinshe, jyl basynan beri «Alaniia» túngi klýby túngi ýaqytta tynyshtyqty buzǵany úshin 20 ret ákimshilik jaýapqa tartylǵan.
Jalpy, ótken táýlikte mobildi top 227 kásipkerlik sýbektisin tekserip, karantin rejimin buzýdyń 4 jaǵdaiyn anyqtady. Atalǵan faktilerge qatysty material jinalyp, sanitariialyq-baqylaý basqarmasyna ákimshilik jaýapkershilikke tartý úshin jiberildi.
«Nur-Sultan qalalyq Politsiia departamenti mekeme ieleri men kelýshiler tarapynan oryn alyp otyrǵan nemqurailylyq infektsiianyń taralýyna alyp keletindigin eskertedi. Karantin rejimin buzýshylar qoldanystaǵy zańnamaǵa sáikes jaýapkershilikke tartylady», - dep eskertedi vedomstvodan.
