Ishki áýe reisteriniń júrýi qaýipti dep sanalatyndyqtan, karantindik sharalar kúsheitiledi, dep habarlaidy QazAqparat.
«Ishki áýe reisteriniń júrýi qaýipti dep sanalatyndyqtan, karantindik sharalardy kúsheittik. Buǵan qatysty departament basshysynyń qaýlysy bekitildi. Qaýlyda sanitarlyq-epidemiologiialyq sharalardyń bári qamtylǵan dep esepteimiz. Barlyq nysanda dizenfektsiialyq sharalar kúsheitiledi. Osyǵan orai áýejai basshylarymen birge jinalys ótkizdik. Osy máseleniń bári sol jinalysta talqylandy», - deidi Kóliktegi taýarlar men qyzmetterdiń sapasy men qaýipsizdigin baqylaý departamentiniń sanitarlyq-karantindik pýnktteriniń basshysy Dariia Ázimbaeva.
Kóliktegi Bas memlekettik sanitarlyq dáriger Sádýaqas Baiǵabylovtyń aitýynsha, koronavirýs juqtyrmaǵany týraly anyqtama karantin aiaqtalǵannan keiin de qoldanylady.
«Bizde koronavirýsqa qatysty jaǵdai turaqtaǵan joq, sondyqtan karantin bitkennen keiin de ushaqpen ushatyn jolaýshylar jáne ekipaj múshelerine aityp ótken talaptar qoiylady. Sonyń ishinde koronavirýs juqtyrmaǵany týraly anyqtamany da talap etemiz», - deidi ol.
