Belgiiada prokýratýra alqasynyń otyrysy ótip, onda koronavirýs indetine qarsy kúres boiynsha birqatar sheshim qabyldandy, dep habarlaidy "Ult aqparat".
Otyrysta qabyldanǵan sheshim boiynsha karantin kezeńinde basqosý nemese kesh uiymdastyrǵan adamdarǵa aiyppul 250-den 750 eýroǵa deiin arttyrylmaq. Bolashaqta mundai sharalardy uiymdastyrýshylarǵa 4 myń eýro aiyppul salynady.
Belgiia buqaralyq aqparat quraldarynyń habarlaýynsha, osylaisha prokýrorlar jeke adamdardyń karantin talaptaryn saqtaýyna basa mán bergizbek. Belgiiada karantindi óreskel buzatyn azamattar zańsyz keshterdi kóptep uiymdastyratyny anyqtalǵan.
Máselen, demalys kúnderi Belgiia politsiiasy Laekendegi 50-den astam adam jinalǵan jeke keshti toqtatqan. Uiymdastyrýshylar avtobýs pen kásibi mýzykalyq jabdyqty oiyn-saýyq úshin paidalanǵan.
Sonymen qatar Rojdestvo sekildi otbasylyq jiyndardy uiymdastyrǵandarǵa salynatyn aiyppul kólemi 250 eýro mólsherinde qalady.
Odan bólek Belgiianyń prokýratýrasy zańsyz keshterdi uiymdastyrý úshin qoldanylǵan qurylǵylardy tárkileýdi de kózdep otyr.
«Dybys údetýshi júieler, bardyń kerek-jaraqtary, mobildi telefondar, tipti avtokólikterge deiin tárkilenýi múmkin», - dep eskertedi prokýrorlar.
