بەلگييادا پروكۋراتۋرا القاسىنىڭ وتىرىسى ٶتٸپ, وندا كوروناۆيرۋس ٸندەتٸنە قارسى كٷرەس بويىنشا بٸرقاتار شەشٸم قابىلداندى, دەپ حابارلايدى "ۇلت اقپارات".
وتىرىستا قابىلدانعان شەشٸم بويىنشا كارانتين كەزەڭٸندە باسقوسۋ نەمەسە كەش ۇيىمداستىرعان ادامدارعا ايىپپۇل 250-دەن 750 ەۋروعا دەيٸن ارتتىرىلماق. بولاشاقتا مۇنداي شارالاردى ۇيىمداستىرۋشىلارعا 4 مىڭ ەۋرو ايىپپۇل سالىنادى.
بەلگييا بۇقارالىق اقپارات قۇرالدارىنىڭ حابارلاۋىنشا, وسىلايشا پروكۋرورلار جەكە ادامداردىڭ كارانتين تالاپتارىن ساقتاۋىنا باسا مەن بەرگٸزبەك. بەلگييادا كارانتيندٸ ٶرەسكەل بۇزاتىن ازاماتتار زاڭسىز كەشتەردٸ كٶپتەپ ۇيىمداستىراتىنى انىقتالعان.
مەسەلەن, دەمالىس كٷندەرٸ بەلگييا پوليتسيياسى لاەكەندەگٸ 50-دەن استام ادام جينالعان جەكە كەشتٸ توقتاتقان. ۇيىمداستىرۋشىلار اۆتوبۋس پەن كەسٸبي مۋزىكالىق جابدىقتى ويىن-ساۋىق ٷشٸن پايدالانعان.
سونىمەن قاتار روجدەستۆو سەكٸلدٸ وتباسىلىق جيىنداردى ۇيىمداستىرعاندارعا سالىناتىن ايىپپۇل كٶلەمٸ 250 ەۋرو مٶلشەرٸندە قالادى.
ودان بٶلەك بەلگييانىڭ پروكۋراتۋراسى زاڭسىز كەشتەردٸ ۇيىمداستىرۋ ٷشٸن قولدانىلعان قۇرىلعىلاردى تەركٸلەۋدٸ دە كٶزدەپ وتىر.
«دىبىس ٷدەتۋشٸ جٷيەلەر, باردىڭ كەرەك-جاراقتارى, موبيلدٸ تەلەفوندار, تٸپتٸ اۆتوكٶلٸكتەرگە دەيٸن تەركٸلەنۋٸ مٷمكٸن», - دەپ ەسكەرتەدٸ پروكۋرورلار.
