Atyraýda karantin rejimin buzyp, meiramhanalarda toi jasaǵandar anyqtaldy, dep habarlaidy "Ult aqparat".
Atyraýlyq politseiler ótken juma-jeksenbide mobildi toppen birge karantin talaptaryn oryndamaǵan ondaǵan toi ielerin anyqtaǵan.
«Atyraý» yqshamaýdanyndaǵy 17-kóshedegi úide 40-50 adam, al Mechnikov kóshesindegi úilerdiń birinde 30-40 adam qatysqan toi ótkizilgen. Stýdentter kóshesinde ornalasqan meiramhanalardyń birinde ótip jatqan toida 80 adam, «Almagúl» yqshamaýdanyndaǵy meiramhanada toilanǵan týǵan kúnde 50-60 adam, I.Taimanov kóshesindegi meiramhanada 50-60 adam jinalǵan toi anyqtaldy. «Jeruiyq» yqshamaýdanynda ornalasqan meiramhanalardyń birindegi karaoke-barǵa 15-20 adam jinalǵan», - dep habarlady oblystyq politsiia departamentiniń baspasóz qyzmeti.
Sondai-aq, «Leshoz» yqsham aýdanyndaǵy jáne Vladimirskii kóshesinde ornalasqan eki
Qorqor bar ieleri karantin rejimine qatysty tyiymdarǵa qaramai, jumys istegen.
Anyqtalǵan derekterge qatysty jinaqtalǵan qujattar Atyraý qalasynyń taýarlar men qyzmetterdiń sapasy men qaýipsizdigin baqylaý basqarmasyna joldandy.
