Atyraý oblysynyń bas sanitariia dárigeriniń qaýlysymen karantin shekteýi kúsheitilip, kópshilik is-shara ótkizýge tyiym salyndy, dep habarlaidy "Ult aqparat".
«Atyraý oblysynyń aýmaǵynda epidemiologiialyq jaǵdai turaqtalǵanǵa deiin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdailarmen shekteý sharalary engizilsin. Shekteý is-sharalarynyń rejimi men merzimderi oblys aýmaǵynda COVID-19 koronavirýs infektsiiasynyń taralýy boiynsha ahýaldyń ózgerýine sáikes qaita qaralýy múmkin», - delingen bas sanitar dárigerdiń qaýlysynda.
Sondai-aq, qaýlyǵa sáikes, kópshilik is-sharalardy (merekelik, oiyn-saýyq, kópshilik mádeni, sport, bilim berý is-sharalardy, kórme, forým, konferentsiia, sondai-aq otbasylyq, estelik is-sharalardy (banket, úilený toiy, mereitoi, eske alý jáne t. b.), jappai adamdar jinalatyn ózge de is-sharalardy ótkizýge tyiym salynǵan. Mundai sharalardy úide ótkizýge de bolmaidy.
«Barlyq oiyn-saýyq obektileriniń, banket zaldarynyń, barlyq túrdegi oiyn alandary (aýlalardy qospaǵanda), túngi klýb, bar, karaoke, kompiýter jáne oiyn klýby, qorqor, býkmeker keńseleriniń qyzmetin, merekelerdi uiymdastyrýshy keitering qyzmetter men qyzmetter kórsetýdi, menshik nysanyna qaramastan mektepke deiingi balalar mekemeleriniń (kezekshi toptardy qospaǵanda) qyzmetin, mádeni nysandardyń, jeke, toptyq daiyndyqtardy qosa alǵanda kinoteatrlardyń, teatrlardyń jáne qyzmetin toqtata turý usynylyp otyr» -delingen qujatta.
Eske sala ketelik, budan buryn Atyraýda karantin shekteýi qaita kúsheitilgenbolatyn.
