«Atameken» UKP alańynda karantin kezeńindegi balabaqshalardyń jumysy men ózekti problemalary talqylandy, dep habarlaidy QazAqparat.
«Tótenshe jaǵdai rejimi aiaqtalǵannan keiin jeke balabaqshalardyń jumysy qalai jalǵasatyny, qarjylandyrý qalai júrgiziletini týraly suraq týyndady. Elde 4 428 balabaqsha bar. 339 myń adam jeke balabaqshalarǵa barady. Qazirgi tańda qatty zardap shegip jatqan salalardyń biri – jeke bilim berý uiymdary. Myna málimdeme oryndy bolar dep esepteimin: mektepke deiingi bilim berýdiń jeke sektory qazir quryp ketý aldynda tur. TJ ýaqytynda balalar balabaqshaǵa barmaǵannan keiin memlekettik tapsyrys boiynsha qarajat berilgen joq. TJ rejimi aiaqtalǵannan keiin memlekettik tapsyrysty qalai saqtap qalý kerek degen másele týyndady», - deidi palatanyń basqarma tóraǵasynyń orynbasary Oljas Ordabaev «Atameken» UKP onlain-jinalysy barysynda.
Onyń aitýyna qaraǵanda dál osy kezeńde jeke balabaqshalardyń qyzmetkerleriniń ailyǵyn tólep otyrý kerek.
«70 myń qyzmetker ailyqsyz qalýy múmkin (mektepke deiingi bilim berý uiymdarynda). Sol sebepti biz óte ózekti máselemen betpe-bet kelip otyrmyz. Bizdiń oiymyz – naqty sipatqa ie. Bilim jáne ǵylym ministrligimen birge qazir jeke balabaqshalardy qoldaý, olardyń qyzmetkerlerine eń tómengi ailyq mólsherin berip otyrýǵa qatysty máseleni talqylaǵan edik. Olar jabylyp qalmaýy tiis. Karantin ýaqyty aiaqtalǵannan keiin balalar qaitadan balabaqshalarǵa bara alatyndai jaǵdai bolýy tiis», - dedi Oljas Ordabaev.
Qazirgi tańda elde 10 314 mektepke deiingi uiym bar. Onyń 4 428-i – jeke balabaqshalar.
