«اتامەكەن» ۇكپ الاڭىندا كارانتين كەزەڭٸندەگٸ بالاباقشالاردىڭ جۇمىسى مەن ٶزەكتٸ پروبلەمالارى تالقىلاندى, دەپ حابارلايدى قازاقپارات.
«تٶتەنشە جاعداي رەجيمٸ اياقتالعاننان كەيٸن جەكە بالاباقشالاردىڭ جۇمىسى قالاي جالعاساتىنى, قارجىلاندىرۋ قالاي جٷرگٸزٸلەتٸنٸ تۋرالى سۇراق تۋىندادى. ەلدە 4 428 بالاباقشا بار. 339 مىڭ ادام جەكە بالاباقشالارعا بارادى. قازٸرگٸ تاڭدا قاتتى زارداپ شەگٸپ جاتقان سالالاردىڭ بٸرٸ – جەكە بٸلٸم بەرۋ ۇيىمدارى. مىنا مەلٸمدەمە ورىندى بولار دەپ ەسەپتەيمٸن: مەكتەپكە دەيٸنگٸ بٸلٸم بەرۋدٸڭ جەكە سەكتورى قازٸر قۇرىپ كەتۋ الدىندا تۇر. تج ۋاقىتىندا بالالار بالاباقشاعا بارماعاننان كەيٸن مەملەكەتتٸك تاپسىرىس بويىنشا قاراجات بەرٸلگەن جوق. تج رەجيمٸ اياقتالعاننان كەيٸن مەملەكەتتٸك تاپسىرىستى قالاي ساقتاپ قالۋ كەرەك دەگەن مەسەلە تۋىندادى», - دەيدٸ پالاتانىڭ باسقارما تٶراعاسىنىڭ ورىنباسارى ولجاس ورداباەۆ «اتامەكەن» ۇكپ ونلاين-جينالىسى بارىسىندا.
ونىڭ ايتۋىنا قاراعاندا دەل وسى كەزەڭدە جەكە بالاباقشالاردىڭ قىزمەتكەرلەرٸنٸڭ ايلىعىن تٶلەپ وتىرۋ كەرەك.
«70 مىڭ قىزمەتكەر ايلىقسىز قالۋى مٷمكٸن (مەكتەپكە دەيٸنگٸ بٸلٸم بەرۋ ۇيىمدارىندا). سول سەبەپتٸ بٸز ٶتە ٶزەكتٸ مەسەلەمەن بەتپە-بەت كەلٸپ وتىرمىز. بٸزدٸڭ ويىمىز – ناقتى سيپاتقا يە. بٸلٸم جەنە عىلىم مينيسترلٸگٸمەن بٸرگە قازٸر جەكە بالاباقشالاردى قولداۋ, ولاردىڭ قىزمەتكەرلەرٸنە ەڭ تٶمەنگٸ ايلىق مٶلشەرٸن بەرٸپ وتىرۋعا قاتىستى مەسەلەنٸ تالقىلاعان ەدٸك. ولار جابىلىپ قالماۋى تيٸس. كارانتين ۋاقىتى اياقتالعاننان كەيٸن بالالار قايتادان بالاباقشالارعا بارا الاتىنداي جاعداي بولۋى تيٸس», - دەدٸ ولجاس ورداباەۆ.
قازٸرگٸ تاڭدا ەلدە 10 314 مەكتەپكە دەيٸنگٸ ۇيىم بار. ونىڭ 4 428-ٸ – جەكە بالاباقشالار.
