Monitoring toptary megapolistegi meiramhana, dúken, sán salondary men kompiýter klýbtarynda túngi tekserý júrgizdi, dep habarlaidy QazAqparat.
25 tamyzda qalanyń Naýryzbai aýdanyndaǵy «Samir» meiramhanasynda tekserýshiler kóp qonaq shaqyrylǵan úilený toiyn toqtatty. Bul fakt boiynsha material jinaldy, toidy uiymdastyrýshylar ákimshilik jaýapqa tartylady.
Tamyzdyń 24-nen 25-ine qaraǵan túni monitoring tobynyń ókilderi qalada karantin talaptaryn buzǵan 17 faktini anyqtady.
1 qańtardan 25 tamyzǵa deiingi aralyqta 36 228 mekeme tekserildi. 3 390 nysanda karantin talabyn saqtamaý anyqtaldy. 5 457 hattama toltyryldy. Onyń ishinde zańdy tulǵalarǵa shamamen 199 mln teńgege aiyppul salyndy. Jeke tulǵalarǵa qatysty maska rejimin buzǵany úshin shamamen 215 mln teńgege 4 892 hattama jasaldy.
Karantin erejelerin júieli túrde buzǵany úshin mamandandyrylǵan aýdanaralyq ákimshilik sottarǵa 75 is jiberildi, 65 is boiynsha qyzmetti toqtatý týraly sheshim qabyldandy.
Qazirgi ýaqytta Almaty qalasynyń sottary turaqty tártip buzýshylarǵa qatysty 8 isti qarap jatyr.
