مونيتورينگ توپتارى مەگاپوليستەگٸ مەيرامحانا, دٷكەن, سەن سالوندارى مەن كومپيۋتەر كلۋبتارىندا تٷنگٸ تەكسەرۋ جٷرگٸزدٸ, دەپ حابارلايدى قازاقپارات.
25 تامىزدا قالانىڭ ناۋرىزباي اۋدانىنداعى «سامير» مەيرامحاناسىندا تەكسەرۋشٸلەر كٶپ قوناق شاقىرىلعان ٷيلەنۋ تويىن توقتاتتى. بۇل فاكت بويىنشا ماتەريال جينالدى, تويدى ۇيىمداستىرۋشىلار ەكٸمشٸلٸك جاۋاپقا تارتىلادى.
تامىزدىڭ 24-نەن 25-ٸنە قاراعان تٷنٸ مونيتورينگ توبىنىڭ ٶكٸلدەرٸ قالادا كارانتين تالاپتارىن بۇزعان 17 فاكتٸنٸ انىقتادى.
1 قاڭتاردان 25 تامىزعا دەيٸنگٸ ارالىقتا 36 228 مەكەمە تەكسەرٸلدٸ. 3 390 نىساندا كارانتين تالابىن ساقتاماۋ انىقتالدى. 5 457 حاتتاما تولتىرىلدى. ونىڭ ٸشٸندە زاڭدى تۇلعالارعا شامامەن 199 ملن تەڭگەگە ايىپپۇل سالىندى. جەكە تۇلعالارعا قاتىستى ماسكا رەجيمٸن بۇزعانى ٷشٸن شامامەن 215 ملن تەڭگەگە 4 892 حاتتاما جاسالدى.
كارانتين ەرەجەلەرٸن جٷيەلٸ تٷردە بۇزعانى ٷشٸن مامانداندىرىلعان اۋدانارالىق ەكٸمشٸلٸك سوتتارعا 75 ٸس جٸبەرٸلدٸ, 65 ٸس بويىنشا قىزمەتتٸ توقتاتۋ تۋرالى شەشٸم قابىلداندى.
قازٸرگٸ ۋاقىتتا الماتى قالاسىنىڭ سوتتارى تۇراقتى تەرتٸپ بۇزۋشىلارعا قاتىستى 8 ٸستٸ قاراپ جاتىر.
