Megapoliste qala turǵyndarynyń densaýlyǵyn saqtaý maqsatynda adamdardyń kóp jinalýyn jáne qaita juqtyrýdy boldyrmaý úshin shekteý sharalary kúsheitildi. Monitoring toptar óz kezeginde shekteýlerdiń saqtalýyn baqylaityn bolady, dep habarlaidy "Ult aqparat".
Juqtyrýdyń aldyn alý tetigin jetildirý aiasynda koronavirýs infektsiiasynyń taralýyn boldyrmaý jónindegi Qalalyq shtab qalalyq prokýratýramen jáne «Atamekenniń» óńirlik palatasymen birge monitoring toptarynyń jumysyn tsifrlyq formatqa kóshirý týraly sheshim qabyldady.
Almatyda monitoring toptarynyń jumysyn tsifrlandyrý jumys qorytyndysy týraly málimetterdi óńdeý men tirkeý sapasyn jaqsartady. Máselen, Almaty qalasy boiynsha monitoring toptaryn baqylaý modýli monitoring toptarynyń jumysyn naqty ýaqyt rejiminde baqylaýǵa jáne ózekti taldaýlardy engizýge múmkindik beredi. Nátijesinde, tekserýshilerdiń qai nysandarǵa jii baratyny, reidtik baǵyttar rejiminiń saqtalýy jáne t.b. týraly aqparat qoljetimdi bolady. Sonymen qatar, megapolis prokýratýrasynda atap ótkendei, monitoring toptarynyń jumysy tek osy modýldi qoldanǵan kezde ǵana zańdy bolady.
Endi monitoring toptarynyń kásipkerlerge kelýi dereý jazylatyn bolady, bazanyń ózi elektrondy jazbalardy júrgizedi. Platforma monitoring nysanynyń mekenjaiyn jaiyn avtomatty túrde anyqtaidy. Kásipkerdiń qatysýymen barlyq identifikatsiialanǵan tártip buzýshylyǵy, qabyldanǵan sharalar kórsetilimi jazylǵan shablon toltyrylady.
Monitoringtik toptardyń zańsyz áreketteri men sheshimderiniń barlyq faktileri boiynsha kásipkerler prokýratýraǵa 8-701-775-55-00 nómiri arqyly habarlasa alady.
Almatyda 40 monitoring toptary qarqyndy jumys jasaýda.
