Almatyda karantin kezinde astyrtyn jumys istegen qumar oiyn klýby anyqtaldy, dep habarlaidy "Ult aqparat" QR Qarjy monitoringi komitetiniń baspasóz qyzmetine silteme jasap.
«Aǵymdaǵy jyldyń 9 tamyzynada QR QM Qarjy monitoringi komitetiniń Almaty q. boiynsha Ekonomikalyq tergeý departamentiniń qyzmetkerleri qalalyq Sybailas jemqorlyqqa qarsy is-qimyl qyzmetimen birlesip, Almaty qalasynyń meiramhanalarynyń birinde poker oiyndary ótkizilgen astyrtyn qumar oiyndar klýbynyń zańsyz qyzmetin anyqtady. Jedel-izdestirý sharalary barysynda klýbta karantin rejimin buzǵan 63 adam anyqtaldy. Olar túngi 00:00-den keiin qumar oiyndaryn uiymdastyryp, oinaǵan.Oqiǵa ornyn tekserý kezinde meiramhananyń banket zalynda fishkalary bar 4 fýtliar, poker oiynyna arnalǵan shuǵadan jasalǵan 3 jaima, oiyn kartalary jáne aqsha qarajaty anyqtalyp, tárkilendi»,– dep habarlady QR Qarjy monitoringi komitetiniń baspasóz qyzmeti.
Atalǵan derek QR QK-niń 307-baby boiynsha sotqa deiingi tergep tekserýdiń birińǵai tizilimine tirkeldi.
