Aqtóbeniń bas sanitar dárigeri aýyzasharǵa barǵan qalalyq máslihat hatshysy men kásipkerler palatasynyń direktoryna qatysty videony tekserýge tapsyrma berdi, dep habarlaidy "Ult aqparat".
Áleýmettik jelidegi videodan bir top isker áieldiń dastarhan basyna jinalǵanan kórýge bolady. Video túsirip otyrǵan adam «bizde aýyzashar bolyp jatyr» dep aitty. Bul beinematerial kópshilik arasynda talqyǵa túsip, oblystyq sanitariialyq-epidemiologiialyq baqylaý departamentiniń basshysy Nursulý Berkimbaev brifingte túsinik berdi. Videodan Aqtóbe qalalyq máslihat hatshysy Anar Darjanova men óńirlik kásipkerler palatasynyń direktory Sulýpan Shyntasovany kórýge bolady.
«Top bolyp aýyzasharǵa barǵan videony áleýmettik jeli arqyly kórdim. Aqtóbe qalalyq ákimdigi janyndaǵy monitoring topqa shuǵyl habarlama jiberildi. Habarlama túsken soń qatysqan adamdardy, meiramhana anyqtalyp, ákimshilik shara qoldanylady. Ujymdyq aýyzashar jasaýǵa tyiym salynǵan. Tek otbasy múshelerimen bir dastarhan basyna jinalýǵa ruqsat», - dedi Nursulý Berkimbaev.
Aita keteiik, monitoring toptardan jáne jergilikti politsiia qyzmetinen túsken materialdar negizinde 264 aiyppul salyndy. Aiyppul somasy – 36 mln teńge. Sondai-aq Úilestirý ortalyqtarynan túsken shuǵyl habarlama negizinde jospardan tys 35 tekserý júrgizildi. Tekseris qorytyndysy boiynsha 35 obektige 5 mln teńge kóleminde aiyppul salyndy.
