Nur-Sultan men Almaty qalalarynda 30 naýryzdan 5 sáýirge deiin ekinshi deńgeili bankter jumysyn toqtatady. Bul týraly "Ult aqparat" QR Ulttyq bankke silteme jasap habarlaidy.
Atalǵan merzim aralyǵynda Nur-Sultan men Almatyda ornalasqan ekinshi deńgeili bankterdiń kassalyq-eseptik bólimderiniń jumysy toqtatylady.
Osy ýaqyt aralyǵynda zańdy jáne jeke tulǵalardan tólem qabyldaý jáne aqsha aýdarý internet, mobildi banking arqyly qashyqtyqtan júzege asyrylady.
Qolma-qol aqshany alýǵa, qolma-qol aqshasyz esep aiyrysýǵa jáne jeke tulǵalardyń banktik shottaryn toltyrýǵa arnalǵan bankomattar men terminaldardyń jumys isteýin bankter ádettegidei qamtamasyz etedi.
«Qazaqstan Respýblikasy Ulttyq bankiniń Qazaqstandyq bankaralyq esep aiyrysý ortalyǵy» RMK bankterdiń, qazynashylyq komitetiniń jáne naryqtyń basqa qatysýshylarynyń tólemderin óńdeýdegi jumysy shtattyq rejimde júzege asyrylady.
