Almaty men Nur-Sultan qalalarynda bankter, aqsha aiyrbastaý pýnktteri, lombardtardyń jumys ýaqyty ózgerdi, dep habarlaidy "Ult aqparat".
Respýblikalyq mańyzy bar eki qalada 18-24 mamyr aralyǵynda birqatar qarjy sýbektileri tańǵy 09:00-dan keshki 18:00 deiin jumys isteitin bolady.
QR Ulttyq banki men QR Qarjy naryǵyn retteý jáne damytý agenttiginiń birikken buiryǵynda sýbektiler tizimi bekitilgen:
- ekinshi deńgeili bankter
- jeke bank operatsiialaryn júrgizetin uiymdar
- saqtandyrý (qaita saqtandyrý) uiymdary
- saqtandyrý brokerleri
- qundy qaǵazdar naryǵynda brokerlikpen ainalysatyn uiymdar
- mikroqarjylyq uiymdar, nesie seriktestikteri,
- tólem uiymdary.
Buiryqqa sáikes atalǵan uiymdar men filialdarynda qyzmetkerler sany 50 paiyzdan aspaýy kerek.
KASE, Qundy qaǵazdar ortalyq depozitarii, aqsha aiyrbastaý uiymdary tańǵy 09:00 ben 17:00 aralyǵynda jumys isteidi.
Bul shekteý sharalary 18-24 mamyr aralyǵynda bolady.
25 mamyrdan bastap jumys ýaqyty, adam sany uiym basshylarynyń sheshimderine qarai uiymdastyrylatyn bolady.
Odan bólek sýbektilerdiń basshylary sanitarlyq normalardyń saqtalýyn qamtamasyz etýi tiis.
