Qyzylordada qaramaǵyndaǵy qyzmetkerinen para suraǵan qalalyq Politsiia basqarmasynyń burynǵy bastyǵy 7 jyl merzimge bas bostandyǵynan aiyryldy, dep habarlaidy QazAqparat.
Qyzylorda qalalyq Politsiia basqarmasynyń burynǵy bastyǵy óz paidasy úshin sybailas jemqorlyq qylmysyna barǵan. Ol basqarmanyń jedel ýákiline qýdalaitynyn alǵa tartyp, ony aqsha berýge májbúrlegen.
Sottalýshy qylmystyq piǵyly áshkere bolyp qalmaý maqsatynda aǵa jedel ýákil qyzmetin atqaratyn azamatqa jedel ýákilden aqsha ákelip berýdi suraǵan. Aǵa jedel ýákil basqarma bastyǵynyń qylmystyq piǵylynan beihabar bolǵan. Jedel ýákildiń ózge amaly qalmaǵandyqtan aǵa jedel ýákildiń kartochkasyna 50 myń teńge aqshany aýdarǵan. Aǵa jedel ýákil ony basqarma bastyǵyna avtokólik ishinde qolma-qol bergen.
«Qylmystyq is tolyqtai dáleldendi. Sot úkimimen sottalýshy QR Qylmystyq kodeksiniń 366-baby 3-bóligi 1-tarmaǵymen kináli dep tanyldy. Memlekettik qyzmette laýazymdardy atqarýǵa ómir boiyna aiyryldy. Oǵan 7 jyl merzimge bas bostandyǵynan aiyrý jazasy taǵaiyndaldy», - delingen Qyzylorda qalasynyń №2 sotynyń baspasóz qyzmeti taratqan habarlamada.
