قىزىلوردادا قاراماعىنداعى قىزمەتكەرٸنەن پارا سۇراعان قالالىق پوليتسييا باسقارماسىنىڭ بۇرىنعى باستىعى 7 جىل مەرزٸمگە باس بوستاندىعىنان ايىرىلدى, دەپ حابارلايدى قازاقپارات.
قىزىلوردا قالالىق پوليتسييا باسقارماسىنىڭ بۇرىنعى باستىعى ٶز پايداسى ٷشٸن سىبايلاس جەمقورلىق قىلمىسىنا بارعان. ول باسقارمانىڭ جەدەل ۋەكٸلٸنە قۋدالايتىنىن العا تارتىپ, ونى اقشا بەرۋگە مەجبٷرلەگەن.
سوتتالۋشى قىلمىستىق پيعىلى ەشكەرە بولىپ قالماۋ ماقساتىندا اعا جەدەل ۋەكٸل قىزمەتٸن اتقاراتىن ازاماتقا جەدەل ۋەكٸلدەن اقشا ەكەلٸپ بەرۋدٸ سۇراعان. اعا جەدەل ۋەكٸل باسقارما باستىعىنىڭ قىلمىستىق پيعىلىنان بەيحابار بولعان. جەدەل ۋەكٸلدٸڭ ٶزگە امالى قالماعاندىقتان اعا جەدەل ۋەكٸلدٸڭ كارتوچكاسىنا 50 مىڭ تەڭگە اقشانى اۋدارعان. اعا جەدەل ۋەكٸل ونى باسقارما باستىعىنا اۆتوكٶلٸك ٸشٸندە قولما-قول بەرگەن.
«قىلمىستىق ٸس تولىقتاي دەلەلدەندٸ. سوت ٷكٸمٸمەن سوتتالۋشى قر قىلمىستىق كودەكسٸنٸڭ 366-بابى 3-بٶلٸگٸ 1-تارماعىمەن كٸنەلٸ دەپ تانىلدى. مەملەكەتتٸك قىزمەتتە لاۋازىمداردى اتقارۋعا ٶمٸر بويىنا ايىرىلدى. وعان 7 جىل مەرزٸمگە باس بوستاندىعىنان ايىرۋ جازاسى تاعايىندالدى», - دەلٸنگەن قىزىلوردا قالاسىنىڭ №2 سوتىنىڭ باسپاسٶز قىزمەتٸ تاراتقان حابارلامادا.
