QR Memlekettik qyzmet isteri agenttiginiń tóraǵasy Anar Jaiylǵanova qaramaǵyndaǵy qyzmetker úshin qansha basshynyń jaýapqa tartylǵanyn aityp berdi, dep habarlaidy QazAqparat.
Agenttik qol astyndaǵy qyzmetkerdiń sybailas jemqorlyq qylmysy úshin birinshi basshylardyń jaýapqa tartylýyn qadaǵalaidy jáne Prezident Ákimshiligine toqsan saiyn aqpar beredi.
«Jańa ereje engizilgen sátten bastap (2019 jylǵy jeltoqsannan beri) memlekettik organdar men uiymdardyń 86 basshysy tártiptik jaýapqa tartyldy, onyń ishinde 4 saiasi memlekettik qyzmetshi otstavkaǵa ketti», - dedi Anar Jaiylǵanova QR Memlekettik qyzmet isteri agenttiginiń alqa otyrysynda.
Vedomstvoda atap ótkendei, 13 saiasi memlekettik qyzmetshi, 33 ákimshilik, 25 quqyq qorǵaý organdarynyń qyzmetkeri, 15 kvazimemlekettik sektor jáne JAO vedomstvolyq baǵynyshty uiymdardyń qyzmetkerleri jaýapkershilikke tartylǵan.
«Aýmaqtyq bólimshelerde bul máselede printsiptik ustanym bolýy tiis. Qajetti sharalardy ýaqtyly qabyldai otyryp, barlyq jergilikti jáne ortalyq memlekettik organdardyń aýmaqtyq bólimshelerine monitoring jasaý qajet», - dep atap ótti Anar Jaiylǵanova.
