QR Ishki ister ministrligi qańtardaǵy qaiǵyly oqiǵa kýágerlerinen foto jáne videomaterialdarmen bólisýdi surady, dep habarlaidy QazAqparat.
«Eger sizde foto jáne videomaterialdar bolsa, onda ony qupiialylyq sharttarymen arnaýly saitqa jibere alasyz. Siz bir ótinim arqyly jiberiletin faildyń eń joǵary kólemi 100 MB mólsherinde 5 failǵa deiin jiberý múmkindigińiz bar», - delingen ministrliktiń habarlamasynda.
Sonymen elimizdiń barlyq aýmaǵynda oryn alǵan oqiǵalar kezinde túsirilgen adamdardyń jinalýy men sherýi, jappai tártipsizdik, qarý qoldaný, bilik ókilderine (onyńishinde politsiia qyzmetkerlerine, áskeri qyzmetshilerge jáne taǵy basqalaryna) shabýyl jasaý jáne soqqyǵa jyǵý, lýazymdyq ókilettigin asyra paidalaný, ákimshilik ǵimarattarǵa shabýyl jasaý, ákimshilik ǵimarattardy basyp alý, arnaýly kólik quraldaryn basyp alý, múlikti qiratý jáne tonaý videolaryn Ishki ister ministrligine jiberýge bolady.
Azamattardyń yńǵaiy úshin arnaýly saitqa kelesi joldarmen ótýge bolady:
1) «102» mobildik qosymshasy. Foto/videomaterialdar jolaǵyna 5 failǵa deiin júkteýge bolady. Faildardyń kólemi 100 MB-tan aspaýy kerek. Jpeg, jpg, png, gif, tiff, bmp, heic, heif, MP4, MOV, WMV, AVI, AVHCD, FLV, F4V, MKV, WEBM, VOB, H.264, MotionJPEG (MJPEG) formatyndaǵy faildar qabyldanady.
2) QR IIM Telegram-bot. «Tártipsizdikterge qatysty foto/video jóneltý» túimesin basqan kezde sait siltemesi men ótý túimesi ashylady.
3) QR IIM paraqshasyndaǵy VK-bot. QR IIM paraqshasynan jeke habarlandyrýǵa ótý jáne «Tártipsizdikterge qatysty foto/video jóneltý» túimesin basý qajet. Sonda sait siltemesi men ótý túimesi ashylady.
4) QR IIM saitynyń oń jaq tómengi buryshynda ornalasqan vidjet.«Tártipsizdikterge qatysty foto/video jóneltý» túimesin basý qajet.
