Jambyl oblysynda jabaiy ańnyń etine qumar azamat qolǵa tústi.
Ol Qyzyl kitapqa engen qaraquiryqty (djeiran) jairatyp salǵan. Shý qalasynyń turǵyny endi 18 million teńge aiyppul tóleýi múmkin, dep habarlady KTK.
29 jastaǵy turǵyn quryp ketý qaýpi bar janýardy Jienbet aýylynan 25 shaqyrym jerdegi alqaptan atyp alǵan. Brakoner onyń etin bólshektegeli jatqan jerinen qolǵa tústi.
Kúdiktiden 16-shy kalibrli qos uńǵymaly myltyq tárkilendi. Ustalǵan azamat sirek kezdesetin ańdy atyp alǵany úshin qomaqty aiyppul tóleidi nemese 6 jylǵa túrmege jabylýy múmkin.
