.jpeg)
Prezidenttikke kandidat Qaraqat Ábdenniń Túrkistan oblysyndaǵy sailaýaldy sapary jalǵasyp jatyr. Búgin ol Túrkistan qalasynyń jurtshylyǵymen júzdesip, óziniń sailaýaldy baǵdarlamasyn tanystyrdy. Kezdesý barysynda qoǵamdaǵy ózekti suraqtar men týrizm salasyn damytý máseleleri talqylandy, dep habarlaidy kandidat shtabynyń baspasóz qyzmeti.
Qaraqat Ábden atap ótkendei, tarihi-mádeni eskertkishter men mádeni mura nysandary kóp shoǵyrlanǵan Túrkistan shaharynyń týrizmdi damytýda áleýeti zor.
«Túrkistan – barsha túrki halyqtaryna ortaq, álemge áigili qasietti jer. Ejelden-aq «ekinshi Mekke» dep atanyp ketken qazaqtyń rýhani astanasy kóptegen saiahattaýshylardyń qyzyǵýshylyǵyna ie bolyp otyr. Túrkistannyń tarihi mańyzyn jáne osy óńirde shoǵyrlanǵan kieli jerlerdiń kóp ekendigin eskere kele, alkogoldi ishimdikterdi satýdan bas tartqan alǵashqy qalalardyń biri atanýyna barlyq múmkindikter bar», - dedi Ábden.
Kezdesýge sondai-aq óńirlik týrizm salasynyń ókilderi qatysyp, bul baǵyttyń ózekti suraqtaryn ortaǵa saldy.
«Bizge shetelden kóp týrister keledi, biraq ishki týrizm naryǵyn da damytý kerek. Bul salada biz tarihi jáne ulttyq qundylyqtarǵa kóp kóńil bólip júrgen kandidattyń baǵytyn qoldaimyz. Budan bólek, aimaqtyń infraqurylymyn da nazardan tys qaldyrmaǵan jón», - dep bólisti týristik kompaniianyń ókili Móldir Málibekova.
Eske salsaq, elimizde 20 qarasha kúni kezekten tys prezident sailaýy ótedi.
Kandidat Qaraqat Ábden el aimaqtaryn aralap, 9 oblysta 30-dan astam kezdesý ótkizgen. Aldaǵy ýaqytta ol Jambyl oblysy sailaýshylarymen júzdespek.
