Prezidenttikke úmitker Qaraqat Ábden sintetikalyq esirtkige qarsy kúresti kúsheitý kerektigin aitty - dep habarlaidy "Ult aqparat".
"Qurmetti qazaqstandyqtar! Búgin taǵy bir úlken dertke ainalǵan problemany ortaǵa salǵym kelip otyr.
Ult bolashaǵyna naǵyz qaýip tóndiretin másele - esirtki. Talai azamattarymyzdyń sanasyn ýlady, taǵdyryn qurtty. Qazir mamandar dabyl qaǵýda. Osyny estigende birden ine ustaǵan nashaqorlardy elestetemiz. Biraq jaǵdai odan da kúrdeli.
Qazir sintetikalyq esirtkiniń zamany. Arzan ári qoljetimdi bul esirtkiniń zardaby óte aýyr. Esirtkige táýeldi bolǵandardyń arasynda jastar kóp. Sintetikalyq esirtkini qoldanatyndardyń qatarynda tipti mektep oqýshylary da bar. Statistika óte qorqynyshty. Nashaqorlardyń qatary nege jasaryp bara jatyr? Osyny búgin anyqtap, áreket jasamasaq, erteń tym kesh bolady. Nege esirtkini satyp alý tym ońai? Quzyrly mekemeler qaida qarap otyr?", - dep jazdy ol Facebook paraqshasynda.
