Qaraqalpaqstanda qyz alyp qashyp, ony turmys qurýǵa májbúrlegender ustaldy, dep habarlaidy "Ult aqparat" Ózbekstan Respýblikasy IIM janyndaǵy tergeý departamentiniń resmi saityna silteme jasap.
«13 qazanynda saǵat 20:00 shamasynda 3 azamat 24 jastaǵy qyz balany qarsylyq bildirgenine qaramastan alyp qashqan. Oqiǵa Qanlykól aýdanynyń Sari-Oltin jáne Madeniiat kósheleri qiylysynda boldy. Jumystan keiin úiine bara jatqan qyzdy 3 er azamat «Nexia-2» avtokóligine májbúrlep otyrǵyzyp, Býstan aýylyndaǵy úilerdiń birine aparǵan.
Qazirgi tańda osy fakti boiynsha Qanlykól aýdanynyń IIB janyndaǵy tergeý toby Ózbekstan Respýblikasy Qylmystyq kodeksiniń 136-babynyń 1-bóligi (Áieldi nekege turýǵa májbúrleý nemese nekege turýǵa kedergi jasaý) boiynsha qylmystyq is qozǵady», - delingen Ózbekstan Respýblikasy IIM janyndaǵy tergeý departamentiniń saity taratqan málimette.
Qylmystyq kodekstiń atalǵan baby boiynsha, kúdiktilerge 25 bazalyq eseptik kórsetkish kóleminde aiyppul salý, 360 kúnge deiin mindetti qoǵamdyq jumystarǵa nemese 3 jylǵa deiin túzetý jumystaryna tartý jazasy qarastyrylady. Sondai-aq, sot sheshimine bailanysty 1 jyldan 3 jylǵa deiin bas bostandyǵyn shekteý nemese 3 jylǵa deiin bas bostandyǵynan aiyrylýy múmkin.
