Búgingi kúni Qaraǵandy, Temirtaý jáne Jezqazǵan qalalaryn gazdandyrý jobasy tolyq aiaqtalyp otyr. Bul týraly oblys ákimdiginiń baspasóz qyzmeti habarlady.
Aita keterligi, buǵan deiin Qaraǵandy oblysyn gazdandyrý tejelip otyrǵany týraly aqparat shyqqan bolatyn. Onda Parlament Májilisiniń Ekologiia máseleleri jáne tabiǵat paidalaný komitetiniń otyrysyndaǵy dóngelek ústelde óńirdi gazdandyrý jumysynyń jobalaý jáne saraptamadan ótkizý sozylyp ketýi múmkin ekendigi sóz bolǵan.
Oblys ákimdigi baspasóz qyzmetiniń keltirgen málimetine qaraǵanda, dóńgelek ústelde kórsetilgen máseleler aimaqtyń gazdandyrýyn táýekelge ákep soqtyrmaidy.
«Bul suraqtardy sheshý úshin Májilis depýtattaryna Qazaqstan Respýblikasy Úkimeti men 2012 jyly bekitilgen gazdandyrý shemasyna bailanysty Qazaqstan Respýblikasy Ulttyq ekonomika ministriniń 2015 jylǵy 1 sáýirdegi № 299 buiryǵyna tehnikalyq-ekonomikalyq negizdeme ázirleý qajettiligi bóliginde ózgeris engizýge kómek kórsetýge usynys berilgen bolatyn. Búgingi kúnge Qaraǵandy, Temirtaý jáne Jezqazǵan qalalaryn gazdandyrý jobasy tolyq aiaqtaldy. Jezqazǵan qalasy boiynsha saraptama qorytyndysy alyndy, Qaraǵandy jáne Temirtaý qalalary boiynsha jobalar memlekettik saraptamadan ótýde», - delingen baspasóz baianynda.
Budan bólek, atalǵan qalalardy gazdandyrý shemasy kelisilip, kezekter men alǵashqy iske qosý kesheni anyqtalǵan. Atap aitqanda, Qaraǵandy qalasynda - Mihailovka aýdany, Temirtaý qalasynda - Stepan Razin kóshesi, Jezqazǵan qalasynda - Pristantsionnyi jáne Talap aýdandary belgilengen. Bul rette gaz taratý jelileriniń qurylysy 2019 jyldyń ekinshi jartysynda josparlanyp otyr.
